Հենց ՌԴ-ն է կարողացել Ղարաբաղում հրադադարի հասնել, և դա արձանագրված է թղթի վրա․ Զախարովա
44-օրյա պատերազմի հանգամանքներն ուսումնասիրող Ազգային ժողովի քննիչ հանձնաժողովի նիստը կապված է Հայաստանում ներքաղաքական գործընթացների հետ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով քննիչ հանձնաժողովում Հայաստանի վարչապետ Նիկոլ Փաշինյանի հնչեցրած հայտարարությունները, որոնք վերաբերում էին ռազմական գործողությունների դադարեցմանն ուղղված Ռուսաստանի միջնորդությանը։
«Որքան էլ ներքին բանավեճը թեժ լինի, կա ճշմարտություն՝ հենց ՌԴ-ն է կարողացել Ղարաբաղում հրադադարի հասնել 2020 թվականի աշնանը, և դա արձանագրված է թղթի վրա», - նշել Է Զախարովան։
Նա կարծում է, որ ավելի լավ է ուշադրությունը կենտրոնացնել ոչ թե մեղավորներ գտնելու, այլ այդ հարցը պատմաբաններին թողնելու և բարձր մակարդակով պայմանավորվածությունների իրականացման վրա:
