Ռուսաստանը կորցրել է տնտեսական և ռազմական գերտերության կարգավիճակը․ Բլինքեն

ՌԴ նախագահ Վլադիմիր Պուտինի պատերազմն Ուկրաինայի դեմ «ռազմավարական ձախողում» էր։ Նման հայտարարություն է արել ԱՄՆ պետքարտուղար Էնթոնի Բլինքենը, գրում է DW-ն։

«Ռուսաստանը պատերազմի արդյունքում կորցրել է տնտեսական և ռազմական գերտերության կարգավիճակը, նրա բանակը թուլացել է, շատ բնակիչներ լքել են երկիրը»,- ասել է նա։ 

Բլինքենը հավելել է, որ Միացյալ Նահանգները կօգնի ստեղծել «ապագայի ուկրաինական բանակ»՝ ներառյալ ժամանակակից օդուժը, ինտեգրված հակաօդային պաշտպանությունը, զինամթերքի արտադրությունը, ինչպես նաև Ուկրաինայի Զինված ուժերին ժամանակակից զրահատեխնիկա տրամադրելը: 

Նա ընդգծել է, որ Ռուսաստանի պայմաններով հրադադարը չի բերի արդար ու տևական խաղաղություն, այլ «կպարգևատրի ագրեսորին և կպատժի զոհին»,- ասել է ԱՄՆ պետքարտուղարը։