«Կադաստրի վկայական» են պահանջում հին պարսկական սեպագրով գրանցել կարողացած ՀՀ-ից․ իրանագետ
Եթե ադրբեջաներենից հանեք vətən «հայրենիք» արաբական ծագման բառը, ապա նույն իմաստով կմնա միայն թյուրքական yurd տարբերակը։ Այս մասին ֆեյսբուքյան իր էջում գրել է իրանագետ Վարդան Ոսկանյանը։
«Պատկերացնո՞ւմ եք զավեշտը, երբ ինչ-որ «յուրդի» բարբարոսական վարչախումբը «կադաստրի վկայական» է պահանջում այդ վկայականը, դիցուք, Բեհիսթունյան ժայռի վրա Ք. ա. 6-րդ դարում հին պարսկական սեպագրով գրանցել կարողացած Հայաստանից», - գրել է իրանագետը։
Հիշեցնենք՝ որ երեկ ԱԺ-ում կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանը ասել է, որ1991 թվականի Ալմա Աթայի հռչակագիրը Հայաստանի Հանրապետության «կադաստրի վկայականն է», որից հրաժարումը հրաժարումն է մեր «կադաստրի վկայականից»։
