ՏԵՍԱՆՅՈՒԹ. Արցախը Փաշինյանի սեփականությունը չէ, որ այսքան տարի արյունով պահածը հանձնի. Արթուր Խաչատրյան

ԱԺ-ում  հայտարարությունների ժամին ԱԺ «Հայաստան» խմբակցության պատգամավոր Արթուր Խաչատրյանն իր ելույթում նշել է, որ իշխանությունը ձեռքը լվանում է Արցախի մեր հայրենակիցների ճակատագրից: 

«Հայաստանի այսօրվա իշխանությունները` խորհրդարանի քաղաքական մեծամասնությունը, Արցախը հանձնում է Ադրբեջանին: Ձեզանից ոմանք չեն ուզում այս ամենին հավատալ, քանզի իրոք դժվար է հավատալ, որ որևէ հայ կարող է հայկական Արցախը հանձնել ադրբեջանցի բորենիների բզկտմանը»:

Նա անդրադաձավ Փաշինյանի կատարած երեկվա հայտարարությանը, նշեց, որ Փաշինյանը բաց տեքստով ասել է այն, ինչից խուսափում էր 2-2.5 տարի. 

«Նա հայտնեց, որ Արցախը ճանաչում է Ադրբեջանի կազմում, Արցախը հանձնում է  Ադրբեջանին: Ով է նրան այդ իրավունքը տվել: Ինչից Փաշինյանը ենթադրեց, որ ինքը ավել բարձր է, քան երկրի օրենքները»,- ասել է Խաչատրյանը: 

Ընդդիմադիր պատգամավորը շեշտել է, որ  Արցախը Փաշինյանի սեփականությունը չէ, և նա չի կարող որոշել Արցախի ու արցախցիների ճակատագիրը։

Մանրամասները` տեսանյութում: