Գերմանիայի բնակիչների մոտ մեկ երրորդը վերջին 12 ամիսների ընթացքում դեղերի պակաս է զգացել, հայտնում է Merkur գերմանական հրատարակությունը՝ վկայակոչելով Դեղագործական արտադրողների դաշնային ասոցիացիայի կողմից իրականացված հարցման արդյունքները:

«Դեղագործական արտադրողների դաշնային ասոցիացիայի կողմից պատվիրված հարցման մեջ հարցվածների մոտ 35%-ն ասել է, որ անցյալ տարի դժվարացել է դեղեր գնել: Ասոցիացիայի կողմից մեկ տարի առաջ անցկացված նմանատիպ հարցման մեջ հարցվածների միայն 18%-ն է ասել, որ խնդիրներ են ունեցել դեղերի գնումը»,- հրատարակությունը մեջբերում է հարցման տվյալները։ Միաժամանակ նշվում է, որ դժգոհ են եղել ոչ միայն սպառողները, այլ դժգոհություններ կան նաև հենց դեղատներից։

Ավելի վաղ հաղորդվել էր, որ Գերմանիայում տեւական ժամանակ ընդհատումներ են եղել դեղերի մատակարարման մեջ, այդ թվում՝ հակաբիոտիկների, ցավազրկողների, երեխաների գրիպի օշարակների, քաղցկեղի դեմ դեղերի մատակարարման մեջ։ Հաղորդվում է, որ ապրիլին ընդհատվել է 480 դեղամիջոցի մատակարարումը։

Այսպիսով, Գերմանիայի Դաշնային բժշկական պալատը կոչ է արել կառավարությանը ստեղծել կենսական նշանակություն ունեցող դեղամիջոցների ազգային պահուստ՝ արտասահմանից դեղերի մատակարարման երկարատև ընդհատումների ֆոնին։