Ես ցանկանում եմ, որ Մեսսին վերադառնա. Բարսելոնայի փոխնախագահ

«Բարսելոնայի» փոխնախագահ Ռաֆա Յուստեն անդրադարձել է աշխարհի չեմպիոն Արգենտինայի հավաքականի հարձակվող Լիոնել Մեսսիի հնարավոր վերադարձին կատալոնական ակումբ։ Հայտնում է news.am-ը։

«Ես ցանկանում եմ, որ Մեսսին վերադառնա։ Նա մեր ակադեմիայի սան է, ակումբին տվել է հնարավոր ամեն ինչ, ունեցել ենք հրաշալի հարաբերություններ։ Այս ամենի պատճառով ես ցանկանում եմ, որ նա դարձյալ լինի «Բարսելոնայում»։Գեղեցիկ պատմությունները պետք է բարի ավարտ ունենան։ Բոլորս ուրախ կլինենք, եթե Մեսին որոշի վերադառնալ»,-  Ռաֆա Յուստեի խոսքը մեջբերում է RMC Sport-ը։

Նշվոմ է, որ Մեսսիի պայմանագիրը Ֆրանսիայի չեմպիոն ՊՍԺ-ի հետ կավարտվի հունիսի 30-ին։ Մեսսին «Բարսելոնայում» հանդես է եկել 2003-2021-ին՝ դառնալով Իսպանիայի 10-ակի չեմպիոն, Չեմպիոնների լիգայի քառակի գավաթակիր։