Մխիթարյանը «Նապոլի»-ի դեմ առաջիկա խաղին չի մասնակցի

Հայաստանի ֆուտբոլի ազգային թիմի նախկին ավագ Հենրիխ Մխիթարյանը բաց կթողնի Իտալիայի Սերիա Ա-ի առաջիկա՝ «Նապոլի»-ի դեմ հանդիպումը: «Արմենպրես»-ի հաղորդմամբ` այս մասին գրում են իտալական ԶԼՄ-ները:

Նշվում է, որ մայիսի 21-ին «Նապոլի»-ի դեմ կայանալիք հանդիպմանը Մխիթարյանը վնասվածքի պատճառով չի մասնակցի։

Հիշեցնենք՝ «Ինտերը» Չեմպիոնների լիգայի կիսաեզրափակիչում «Միլանի» դեմ ընդմիջումից անմիջապես առաջ՝ խաղի 44-րդ րոպեին ստացած վնասվածքի պատճառով կորցրեց հայ կիսապաշտպան Հենրիխ Մխիթարյանին։

Նշենք նաև, որ Ֆուտբոլի Չեմպիոնների լիգայի կիսաեզրափակիչ պատասխան խաղում «Ինտեր»-ը սեփական հարկի տակ ընդունել էր «Միլան»-ին: Երկու խաղերի՝ ընդհանուր 3:0 հաշվով հաղթելով` «Ինտեր»-ը դուրս եկավ Չեմպիոնների լիգայի եզրափակիչ:

Չեմպիոնների լիգայի եզրափակիչը կկայանա հունիսի 10-ին: