ԼՈՒՍԱՆԿԱՐՆԵՐ. Փաշինյանը տիկնոջ և դստեր հետ հանդիպել է դպրոցականների թիմային խճուղավազքի մրցաշարի մասնակիցներին

Վարչապետ Նիկոլ Փաշինյանը տիկնոջ` Աննա Հակոբյանի և դստեր` Արփի Փաշինյանի հետ, Տավուշի մարզում՝ Դիլիջանի Պարզ լճի տարածքում հանդիպել է «ՀՀ վարչապետի գավաթ» դպրոցականների թիմային խճուղավազքի մրցաշարի մասնակիցներին: Հայտնում են կառավարությունից:

Հանդիպմանը ներկա են գտնվել նաև Կրթության, գիտության, մշակույթի և սպորտի նախարար Ժաննա Անդրեասյանը, ԿԳՄՍ նախարարի տեղակալ Կարեն Գիլոյանը, Տավուշի մարզպետ Հայկ Ղալումյանը:

Մրցաշարը տեղի է ունենալու մայիսի 20-ի առավոտյան: Միջոցառմանը կմասնակցեն հանրապետության դպրոցների լավագույն թիմերը, որոնք հաղթող են ճանաչվել մարզային փուլերում: Մրցաշարին կմասնակցի 12 թիմ` յուրաքանչյուրի կազմում 7 աշակերտ (5 տղա, 2 աղջիկ), որոնք կհաղթահարեն 5000 մետր մրցատարածությունը:

Հանդիպման ընթացքում վարչապետը մասնակիցների հետ քննարկել է մրցաշարի կազմակերպմանը, ձևաչափին, մարզերում անցկացված նախնական փուլերի արդյունքներին վերաբերող հարցեր, պատասխանել տարբեր հարցերի:

Մրցաշարի մասնակիցները և նրանց մարզիչները շնորհակալություն են հայտնել վարչապետին նման նախաձեռնության համար և հավելել, որ այն բավականին մեծ հետաքրքրվածություն ունի դպրոցականների շրջանում:

Նիկոլ Փաշինյանը բոլորին մաղթել է հաջողություններ և հորդորել շարունակել զբաղվել սպորտով, իսկ Կառավարությունը կներդնի բոլոր ջանքերը, որպեսզի համայնքներում ստեղծվեն անհրաժեշտ պայմաններ:

Հիշեցնենք` ՀՀ ոստիկանությունից տեղեկացնում են, որ մայիսի 20-ին՝ ժամը 07.00-15.00-ը, փակ է լինելու Տավուշի մարզի Դիլիջան համայնքի Պարզ լիճ տանող ճանապարհը:

Այդ հատվածում անցկացվելու է «ՀՀ վարչապետի գավաթ» դպրոցականների թիմային խճուղավազքը:

[d88991539fb2d6dad5ac2a9e8dc548e7.jpg]

[fdc70f1c58fd73d8f98ad2330e0cfd1c.jpg]

[d984381e39faad5c65cc558a073554b0.jpg]

[c42c18e53c2cef20abd9bf8ccbc9e5e2.jpg]

[4ebd9f447b5384bb847a8827248d2a7f.jpg]

[e7cd378cf42c4deb3ed74de87a926f1e.jpg]

[a4c8506be9199647ef5c6ff1a0ea64f0.jpg]

[40a9658cf0389bbe343c17041fe71fc5.jpg]

[9d74bccb34ae07e3fd0cdc8528954e65.jpg]

[a19f10244c7df6973585bfe0145cd9e1.jpg]

[dcecceee754eb6391bce8d82cf6c4c25.jpg]