Ուկրաինային F-16-եր տրամադրելու թեման կարող է քննարկվել G7-ի շրջանակներում․ Սպիտակ տուն

Ուկրաինային F-16-եր տրամադրելու թեման կարող է քննարկվել G7-ի շրջանակներում, սակայն գագաթնաժողովի օրակարգում նման հարց չկա: CNN-ին տված հարցազրույցում այս մասին հայտնել է ԱՄՆ-ի Ազգային անվտանգության խորհրդի ռազմավարական հաղորդակցությունների հարցերով համակարգող Ջոն Քիրբին: 

Նա նաև նշել է, որ Ուկրաինան և Կիևին օգնության թեման կքննարկվեն «Մեծ յոթնյակի» գագաթնաժողովում։

«Սակայն ինչ վերաբերում է որոշակի այնպիսի միջոցների, ինչպիսիք F-16-երն են, դա առանձին հարց չէ օրակարգում, բայց (թեման) կարող է հայտնվել գագաթնաժողովի կուլուարներում», - ասել է Քիրբին:

Ավելի վաղ Սպիտակ տանը հայտարարել են, որ ԱՄՆ-ն դեռ պատրաստ չէ նոր մանրամասներ տրամադրել Ուկրաինային F-16 կործանիչների հնարավոր մատակարարման վերաբերյալ։