ՏԵՍԱՆՅՈՒԹ․ Բնակիչներին տարհանել են․ նոր մանրամասներ՝ Վաղարշյան փողոցի հրդեհից
Քիչ առաջ հայտնել էինք, որ հրդեհ է բռնկվել Երևանի Վաղարշյան փողոցի թիվ 24/1-ի 14-րդ հարկում։ Auroranews- ի լրագրողները շենքի բակում ֆիքսեցին շենքի տարհանված բնակիչներին, շտապօգնության և ՆԳՆ փրկարար ծառայության մեքենաներ։
Ինչպես տեղից հայտնում է մեր թղթակիցը՝ հրդեհը լայնամասշտաբ է եղել։ Նշված բնակարանի պատուհանները գրեթե ամբողջությամբ այրվել են, սևացած էին նաև վերևի հարկի բնակարանների պատերն ու պատուհանները։
Արտակարգ Իրավիճակների Նախարարությունից Auroranews-ին հայտնել են, որ տուժածներ չկան։
Հիշեցնենք՝ Մայիսի 18-ին, ժամը 13:55-ին Ճգնաժամային կառավարման ազգային կենտրոն ահազանգ է ստացվել, որ Երևանի Վաղարշյան փողոցի թիվ 24/1 շենքի 14-րդ հարկի բնակարաններից մեկում հրդեհ է բռնկվել։
