ՏԵՍԱՆՅՈՒԹ․ Բայդենը ժամանել է Հերոսիմա` մասնակցելու G7 գագաթնաժողովին
Բայդենը պետքարտուղար Բլինկենի ուղեկցությամբ մեկնել է Հիրոսիմա, որտեղ ուրբաթ օրը տեղի կունենա G7-ի գագաթնաժողովը։ G7-ն այս տարի նախագահում է Ճապոնիան:
Հիրոսիմայում Բայդենը երկկողմ հանդիպում կունենա Ճապոնիայի վարչապետ Ֆումիո Կիսիդայի հետ։ Գագաթնաժողովի ընթացքում ԱՄՆ նախագահի համար հիմնական թեմաները կլինեն Ուկրաինայի հակամարտությունը և Պեկինի ակտիվությունը Թայվանի նեղուցում ու Հարավչինական ծովում։
Բայդենը նախատեսում է նաև եռակողմ բանակցություններ վարել Ճապոնիայի և Հարավային Կորեայի առաջնորդների հետ՝ քննարկելու տնտեսական անվտանգության խնդիրները, զորավարժությունների ընդլայնումը և ԿԺԴՀ-ի հետ հարաբերություններում համատեղ քաղաքականությունը։
Հիշեցնենք՝ ավելի վաղ ԱՄՆ նախագահի աշխատակազմը հայտարարել էր, որ ամերիկացի առաջնորդը ներողություն չի խնդրի ճապոնական Հիրոսիմա և Նագասակի քաղաքների ատոմային ռմբակոծությունների համար, որոնք ամերիկացիներն իրականացրել են 1945թ.
