Ներկայացուցիչների պալատում կնախաձեռնվի Բայդենի իմպիչմենթի գործընթացը․ կոնգրեսական
ԱՄՆ Ներկայացուցիչների պալատի անդամ Մարջորի Թեյլոր Գրինը (հանրապետական, Ջորջիա նահանգ) մտադիր է Կոնգրեսում նախաձեռնել ԱՄՆ նախագահ Ջո Բայդենի իմպիչմենթի գործընթաց՝ պարտականությունները խախտելու և երկրի սահմանները չպաշտպանելու համար։ Կոնգրեսականն իր ելույթի տեսանյութը հրապարակել է Twitter-ում։
«Ամենալուրջ ձևով ես այսօր հայտարարում եմ իմ մտադրության մասին՝ ներկայացնելու ԱՄՆ նախագահ Ջո Բայդենի՝ գործադիր ղեկավարի իմպիչմենթի պայմանները, ով ․․․2021 թվականի հունվարի 20-ից համակարգված ոչնչացնում է այս երկիրը», - ասել է Գրինը։
Նրա կարծիքով, Բայդենի՝ «հարավային սահմանի մասին հրամանների և հայտարարությունների քաղաքականությունը» կխախտի ԱՄՆ օրենքները և կկործանի երկիրը։ Նա նաև ընդգծել է, որ Միացյալ Նահանգների նախագահը կոպտորեն խախտել է սահմանադրական պարտականությունը և սպառնալիք է Միացյալ Նահանգների ազգային անվտանգությանը։
Ավելի վաղ Գրինը հայտարարել էր, որ մտադիր է պահանջել ՀԴԲ տնօրեն Քրիստոֆեր Ռեյի և Կոլումբիայի շրջանի դատախազ Մեթյու Գրեյվսի հրաժարականը:
