Ինչ են քննարկել Բայրամովն ու Բորելը
ԵՄ արտաքին գործերի և անվտանգության քաղաքականության հարցերով բարձր ներկայացուցիչ, ԵՄ հանձնաժողովի փոխնախագահ Ժոզեպ Բորելի և Ադրբեջանի արտաքին գործերի նախարար Ջեյհուն Բայրամովի հետ հանդիպման ընթացքում ընդգծվել է Բրյուսելում Հայաստանի և Ադրբեջանի ղեկավարների վերջին հանդիպման ընթացքում քննարկված «խաղաղության օրակարգի» առաջմղման կարեւորությունը։
Հիշեցնենք՝ Բրյուսելում այսօր հանդպել են Բայրամովն ու Բորելը։
Ադրբեջանի ԱԳՆ-ի փոխանցմամբ՝ Բայրամովն ընդգծել է Ադրբեջանի հավատարմությունը երկու երկրների միջև հարաբերությունների կարգավորմանը՝ տարածքային ամբողջականության և ինքնիշխանության սկզբունքների հիման վրա:
Նշվել է, որ կարևոր է կանխել այդ գործընթացին «խոչընդոտելու փորձերը»․ ադրբեջանական կողմը նկատի է ունեցել, իրենց մեկնաբանմամբ, «Հայաստանի վերջին սադրանքները»։
