Քաղաքականություն

Սիմոնյանն Անկարայում քննարկել է Թուրքիայի ԱԳՆ «հարձակումը» Հայոց ցեղասպանության տարելիցին. ԶԼՄ

Սիմոնյանն Անկարայում քննարկել է Թուրքիայի ԱԳՆ «հարձակումը» Հայոց ցեղասպանության տարելիցին. ԶԼՄ
ՀՀ ԱԺ նախագահ Ալեն Սիմոնյանն Անկարա կատարած այցի ընթացքում անդրադարձել է Հայոց ցեղասպանության 108-րդ տարելիցին Թուրքիայի ԱԳՆ-ի արած հայտարարությանը, Sputnik Արմենիայի հարցմանն ի պատասխան հայտնել են…

ՀՀ ԱԺ նախագահ Ալեն Սիմոնյանն Անկարա կատարած այցի ընթացքում անդրադարձել է Հայոց ցեղասպանության 108-րդ տարելիցին Թուրքիայի ԱԳՆ-ի արած հայտարարությանը, Sputnik Արմենիայի հարցմանն ի պատասխան հայտնել են  ՀՀ արտաքին քաղաքական գերատեսչությունից։

 

Թուրքիայի ԱԳՆ-ն ապրիլի 24-ին հանդես էր եկել հայտարարությամբ, որում որոշել էր դատապարտել «հայկական ահաբեկչությունը»: Sputnik Արմենիան ԱԳՆ-ին խնդրել է մեկնաբանել Թուրքիայի արտաքին քաղաքական գերատեսչության հայտարարությունը։

 

«Հարցին անդրադարձ է կատարվել ՀՀ վարչապետի կողմից, ինչպես նաև քննարկվել է ԱԺ նախագահի Անկարա այցի շրջանակներում»,-հայտնել են Հայաստանի արտգործնախարարությունից։

 

Թե ինչ ձևաչափով է դա տեղի ունեցել, գերատեսչությունից չեն հայտնում։ Սակայն ՍԾՏՀ նիստում Սիմոնյանն իր ելույթում այդ թեմային չի անդրադարձել՝ դատելով խորհրդարանի մամուլի ծառայության տարածած տեսագրությունից։ Այն չի եղել նաև ՀՀ ԱԺ խոսնակի և թուրք գործընկերոջ հանդիպման մասին խորհրդարանի հաղորդագրության մեջ։

 

Նշենք, որ ՀՀ ԱԺ նախագահ Ալեն Սիմոնյանը մայիսի սկզբին մեկնել էր Անկարա՝ ՍԾՏՀ ԽՎ անդամ երկրների խորհրդարանների ղեկավարների նիստին մասնակցելու: Այցի շրջանակներում Սիմոնյանը հանդիպել էր Թուրքիայի խորհրդարանի խոսնակ Մուստաֆա Շենթոփի հետ:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8048) Միջազգային (3535) ԱՄՆ (2371) Ռուսաստան (2263) Իրան (1787) Ընտրություններ (1284) Ուկրաինա (921) Երևան (821) Իսրայել (767) Ադրբեջան (680) Փաշինյան (595) Եվրոպա (530) Ազգային ժողով (497) Ընդդիմություն (482) Թրամփ (453)

Radio Aurora

Լսել Radio Aurora

Գովազդային տարածք

300x250