ՏԵՍԱՆՅՈՒԹ. Շուշին պիտի ազատագրվի․ Սասուն Միքայելյան
«Ես ուզում եմ շնորհավորել Սպարապետին, որ կարողացավ 90-ական թվերին մեզ բոլորիս համախմբել, և մենք տարանք հաղթանակ»,- լրագրողների հետ զրույցում ասել է ԵԿՄ վարչության նախագահ Սասուն Միքայելյանը, ով Երկրապահի օրվա կապակցությամբ այցելել էր Եռաբլուր։
«Այսօր Երկրապահի օրն է, շնորհավորում եմ հայ ազգին, որովհետև ԵԿՄ-ում հայ ազգի գրեթե ամեն օջախից մարդ կա, և այս տարի Երկրապահի 30-ամյակն է։ Ուրիշ քաղաքական հարցերի չեմ պատասխանելու»,- շեշտել է Սասուն Միքայելյանը։
Լրագրողների հարցին՝ այսօր նաև Շուշիի ազատագրման օրն է, Շուշին օկուպացված է, հետ բերելու՞ ենք, թե՞ ոչ։
«Պիտի ազատագրվի։ Գործով»,- ասաց ԵԿՄ նախագահը՝ չպատասխանելով հաջորդիվ հնչած հարցերին։
