Չինաստանի ԱԳՆ-ն Վաշինգտոնին կոչ է արել դադարեցնել Թայվանում անջատողականության աջակցությունը
Չինաստանի արտաքին գործերի նախարար Ցին Գանգը Չինաստանում ԱՄՆ դեսպան Նիկոլաս Բերնսի հետ հանդիպմանը Վաշինգտոնին կոչ է արել դադարեցնել Թայվանում անջատողական ուժերին աջակցությունը։ Այս մասին հայտնում է РИА Новости-ն՝ հղում անելով Չինաստանի կենտրոնական հեռուստատեսությանը։
«Միացյալ Նահանգները պետք է պատշաճ կերպով մոտենա Թայվանի հարցին, դադարի ավերել մեկ Չինաստան սկզբունքը»,- ասել է չինացի նախարարը։
Ավելի վաղ հաղորդվել էր, որ ԱՄՆ-ը պատրաստվում է արագացված ընթացակարգով Թայվանին փոխանցել 500 մլն դոլարի զենք։
Տեղեկություն կար նաև, որ Կալիֆորնիայի ընկերությունը Պենտագոնից պայմանագիր է ստացել Թայվանի համար չորս անօդաչու թռչող սարքեր արտադրելու վերաբերյալ։
