ՏԵՍԱՆՅՈՒԹ. Փաշինյանը` Վաշինգտոնում ընթացող բանակցությունների մասին

 Ազգային ժողովում Կառավարության հետ հարց ու պատասխանի ժամանակ Փաշինյանն ասել է, որ Վաշինգտոնում քննարկվում է ճշգրիտ այն, ինչ նախորդ շաբաթ Ազգային ժողովի ամբիոնից ինքը ներկայացրել է։ 

«Այո, բանակցությունների սեղանին կա փաստաթուղթ և սա այն փաստաթուղթն է։ Այդ փաստաթղթի մեջ որևէ նորություն չեք գտնի, որովհետև այդ փաստաթղթի մասին ասել եմ հրապարակային այս ամբիոնից։ Այսինքն՝ թեզերի մասով ասել եմ, դետալների մասով կարող եք և՛ Ադրբեջանի ներկայացրածին ծանոթանալ, և՛ մեր արձագանքին ծանոթանալ»,- նշել է Փաշինյանը` պատասխանելով «Հայաստան» խմբակցության պատգամավոր Գեղամ Մանուկյանի հարցին, թե ինչ է քննարկվում Վաշինգտոնում։

Գեղամ Մանուկյանի մյուս հարցին, թե արդյոք հնարավոր է Վաշինգտոնում բանակցությունների արդյունքում մոտ ապագայում ինչ-որ փաստաթուղթ ստորագրվի, օրինակ՝ հունիսի 1-ին Քիշնևում, վարչապետը պատասխանել է, որ շատ ուրախ կլինի, որ դա տեղի ունենա։

«Եթե պարզվի, որ փաստաթուղթ կա, որ վերջին մտածումներն են` ստորագրվի, թե ոչ, դա վատ նորություն չէ, դա լավ նորություն է»,-շեշտել է Փաշինյանը։

Մանրամասները` տեսանյութում: