Գնացքների բախում՝ Բանգլադեշի արևելքում․ առնվազն 30 մարդ է տուժել
Բանգլադեշի արևելքում մարդատար և բեռնատար գնացքի բախման հետևանքով առնվազն 30 մարդ է տուժել։ Այս մասին հայտնում է Iz.ru-ն։
Բախումը տեղի է ունեցել մայրաքաղաք Դաքայից 96 կմ դեպի արեւելք գտնվող Կումիլլա շրջանում։ 70 կմ/ժ արագությամբ շարժվող մարդատար գնացքը բախվել է կայարանում կանգնած բեռնատար գնացքին։ Բախման հետևանքով ռելսերից դուրս են եկել մարդատար գնացքի հինգ վագոն։
Հինգ տուժածներ ծանր վնասվածքներով հոսպիտալացվել են։
Ըստ նախնական վարկածի՝ բախումը տեղի է ունեցել կայարանում ազդանշանային համակարգի խափանման և երկաթուղու աշխատակիցների սխալների պատճառով։
