Գաղտնի փաստաթղթերի արտահոսքը հանգեցրել է դաշնակիցների հետ ԱՄՆ հարաբերությունների ճգնաժամի
Պենտագոնի գաղտնի փաստաթղթերի լայնածավալ արտահոսքից հետո ԱՄՆ բարձրաստիճան պաշտոնյաները փորձում են հանգստացնել անակնկալի եկած դաշնակիցներին՝ Եվրոպայից մինչև Մերձավոր Արևելք և Կիև, գրում է Politico-ն։
Լոնդոնի, Բրյուսելի, Բեռլինի, Դուբայի և Կիևի պաշտոնյաները սկսել են հարցեր ուղղել Վաշինգտոնին այն մասին, թե ինչպես է գաղտնի տեղեկատվությունը հայտնվել ինտերնետում, ով է պատասխանատու արտահոսքի համար և ինչ է անում ԱՄՆ-ն՝ ապահովելու, որ տեղեկատվությունը հեռացվի սոցցանցերից:
Արտահոսքը հանգեցրել է դաշնակիցների հետ ԱՄՆ հարաբերությունների ճգնաժամի, և դեռ պարզ չէ, թե ինչպես Վաշինգտոնը կշտկի իրավիճակը, որը շատերն արդեն անվանում են ամերիկյան հետախուզության ամենամեծ ձախողումներից մեկը՝ WikiLeaks կայքում գաղտնի փաստաթղթերի հրապարակումից ի վեր:
Հիշեցնենք, որ ամերիկյան լրատվամիջոցներն անցյալ շաբաթ սոցցանցերում հարյուրից ավելի գաղտնի փաստաթղթեր են հայտնաբերել։ Դրանցից մի քանիսը վերաբերում են ԱՄՆ-ի և դաշնակիցների կողմից Ուկրաինային տրամադրվող ռազմական օգնությանը և Կիևի հակահարձակման նախապատրաստմանը: Մյուսները տեղեկություններ են պարունակում Մերձավոր Արևելքի և Չինաստանի, ինչպես նաև գործընկերների հսկողության վերաբերյալ:
