Երևանի քաղաքապետարանի տրանսպորտի վարչության պետ Հայկ Սարգսյանը տեղեկացրել է, որ ապրիլի 12-15-ը նախատեսում է շահագործել մի քանի երթուղի․ «67 համարի երթուղին կսպասարկվի փոքր դասի ավտոբուսներով և իրար կկապի Շենգավիթ և Մալաթիա-Սեբաստիա վարչական շրջանները։ Սկիզբը՝ Ներքին Չարբախ, վերջնակետը՝ «Աստղիկ» բուժկենտրոն։ Երթուղին կանցնի նոր կամրջով՝ Շիրակ-Բաբաջանյան փողոցներով։ 

Համար 40 երթուղին իրար կկապի Նոր Նորք, Քանաքեռ Զեյթուն, Արաբկիր վարչական շրջանները։ 

Համար 1 հիմնական երթուղին կսպասարկվի բարձր դասի 12 մետրանոց 18 ավտոբուսներով, իրար կկապի Աջափնյակ, Կենտրոն, Քանաքեռ Զեյթուն շրջանները։ 

Նույն ժամանակահատվածում նախատեսվում է իրականացնել հետևյալ փոփոխությունները․ «Zhong Tong» մակնիշի 18 ավտոբուսներով կսպասարկվի 58 երթուղին։ Կլինի ուղեգծի որոշակի փոփոխություններով, կանցնի գեներալ Նվեր Սաֆարյան փողոցով։ Իրար կկապի Ավան առինջ, Ավան, Արաբկիր, Կենտրոն, Էրեբունի վարչական շրջանները։ 

Թվով 4 նոր շարժակազմով կհամալրվի 97 երթուղին, վերջնակետը կերկարացվի մինչև Նուբարաշեն»։ 

Սարգսյանի խոսքով՝ մինչև ապրիլի 15-ը շահագործման կհանձնվեն նոր ներկրված ավտոբուսներից շուրջ 40-ը. «Մայիսի սկզբից նախատեսվում է նոր ավտոբուսներով փոխարինել 18 երթուղին, 13 միկտրոբավտոբուսային երթուղին, 47 երթուղին՝ թվով 14 հատ։ Շահագործման կհանձնվեն թվով 18 բարձր դասի ավտոբուսներ ու կսպասարկեն 9 հիմնական երթուղին»։ 

Երևանի փոխքաղաքապետ Տիգրան Ավինյանը խոսեց կանգառները տաքսի մեքենաներից ազատելու անհրաժեշտության մասին։ Նրա խոսքով՝ հիմա մեծ ավտոբուսներ են շահագործվելու, և անհրաժեշտ է մեքենաներից ազատել կանգառները։ 

Մանրամասները՝ տեսանյութում