ԱՄՆ ռազմածովային ուժերի հետախուզական ինքնաթիռը խախտել է Իրանի օդային սահմանը

ԱՄՆ ռազմածովային ուժերի հետախուզական ինքնաթիռը խախտել է Իրանի օդային սահմանը երկրի հարավում։ Այս մասին ապրիլի 2-ին հայտնել Է իրանական Mehr գործակալությունը ՝ վկայակոչելով Իրանի ռազմածովային ուժերին։ Տեղեկատվությունը փոխանցում է regnum.ru-ն:

Նշվում է, որ դրանից հետո գործելու լիովին պատրաստ իրանական ՌԾՈՒ հրամանատարները նախազգուշացում են ուղարկել, որպեսզի ինքնաթիռի անձնակազմն առանց թույլտվության նման գործողություններ չիրականացնի:

Գործակալությունում հավելել են, որ EP-3E-ն ամերիկյան հետախուզական ինքնաթիռներից մեկն է, որի պարտականությունն է տեղեկատվության հավաքումը: