Պուտինի հրամանագրով ՌԴ զինված ուժեր կզորակոչվի 147 հազար նորակոչիկ

ՌԴ նախագահ Վլադիմիր Պուտինը հրամանագիր է ստորագրել քաղաքացիներին զինվորական ծառայության գարնանային զորակոչի մասին։ Այն կանցկացվի ապրիլի 1-ից հուլիսի 15-ը, նախատեսվում է բանակ ուղարկել 147000 նորակոչիկ, գրում են ռուսական ԶԼՄ-ները։
 

«2023 թվականի ապրիլի 1-ից հուլիսի 15-ն ընկած ժամանակահատվածում ռեզերվում չգտնվող և զինվորական ծառայության զորակոչի ենթակա ՌԴ 18-ից 27 տարեկան քաղաքացիների զորակոչը․․․»,- նշվում է փաստաթղթում։

Հրամանագրում գրված է նաև զորակոչվող քաղաքացիների թիվը՝  147 հազար մարդ։ 2022 թվականի աշնանը ՌԴ բանակ է զորակոչվել 120 հազար նորակոչիկ, իսկ անցյալ տարվա գարնանը՝ 134,5 հազար մարդ։