ՏԵՍԱՆՅՈՒԹ․ Իսրայելում Նեթանյահուի կողմնակիցները դուրս են եկել փողոց․ իրավիճակը շարունակում է թեժ մնալ
Իսրայելում կրքերը շարունակում են բորբոքվել դատական բարեփոխումների շուրջ։ Այս անգամ փողոց են դուրս եկել երկրի վարչապետ Բենիամին Նեթանյահուի սկանդալային նախաձեռնության հազարավոր կողմնակիցներ։ Միևնույն ժամանակ, ինքը՝ քաղաքական գործիչը, հայտարարել է բարեփոխումների քննարկումը մինչև խորհրդարանի ամառային նստաշրջանը դադարեցնելու մասին։
Բարեփոխումների ընդունման համար ցուցարարները փակել են Թել Ավիվի կենտրոնական մայրուղին։
Երթի մասնակիցները կրում են պաստառներ՝ «Ժողովուրդն ընտրել է դատաիրավական բարեփոխումները» և վանկարկում են՝ «Մեզ կկառավարի ընտրված կառավարությունը, ոչ թե Գերագույն դատարանը»։
Ոստիկանությունը դեռ չի ցրել վարչապետի քաղաքականությանը սատարող ցուցարարներին։ Բարեփոխման հակառակորդների և կողմնակիցների միջև բախումներ նույնպես չեն գրանցվել։