Ուկրաինական բանակն այս պահին չի կարողանում հակահարձակում իրականացնել արեւելյան ուղղությամբ. Զելենսկի

Ուկրաինական բանակն այս պահին չի կարողանում հակահարձակում իրականացնել արեւելյան ուղղությամբ՝ անհրաժեշտ սպառազինության բացակայության պատճառով։ 

Այս մասին ճապոնական Yomiuri թերթին տված հարցազրույցում ասել է Ուկրաինայի նախագահ Վլադիմիր Զելենսկին։

«Առանց տանկերի, հրետանու և HIMARS-ների մենք չենք կարող մեր քաջարի զինվորներին ուղարկել առաջնագիծ», - ասել է Զելենսկին։ Նա նաև մատնանշել է զինամթերքի լուրջ պակասը՝ ընդգծելով, որ Կիևը ներկայումս սպասում է գործընկերների մատակարարումների։

Խոսելով Ուկրաինայի և Ռուսաստանի միջև խաղաղ բանակցությունների վերսկսման հնարավորության մասին՝ Զելենսկին ասել է, որ «դրա համար բացարձակապես ոչ մի պայման չի ձևավորվել»։ Նա նաև նշել է, որ թերահավատորեն է վերաբերվում Չինաստանի առաջարկած խաղաղ ծրագրին։