ԱՄՆ-ի ռազմածովային ուժերը այսօր հայտարարել են, որ միջուկային սուզանավը կառավարելի հրթիռներով ուղեւորվել է Մերձավոր Արեւելք՝ ի աջակցություն Բահրեյնում տեղակայված ԱՄՆ-ի հինգերորդ նավատորմի, հաղորդում է Reuters-ը:

Ամերիկյան «Ֆլորիդա» ականակիրը տարածաշրջան է մտել հինգշաբթի եւ սկսել է անցնել Սուեզի ջրանցքով: Այս մասին ասվում է հրամանատար Թիմոթի Հոքինսի հայտարարության մեջ:

«Այն կարող է կրել մինչեւ 154 Tomahawk ցամաքային բազավորման թեւավոր հրթիռներ եւ տեղակայվել է ԱՄՆ 5-րդ նավատորմի կազմում, որպեսզի օգնի ապահովել տարածաշրջանային ծովային անվտանգությունն ու կայունությունը»,-ասել է Հոքինսը:

Պարբերականը նշում է, որ, ամենայն հավանականությամբ, Վաշինգտոնը նման քայլի է գնացել Իրանի հետ հարաբերություններում լարվածության հերթական փուլից հետո։ ԱՄՆ ռազմածովային ուժերը չեն մեկնաբանել սուզանավի տեղակայման պատճառներն ու դրա հնարավոր նպատակները։