«Հայկական կողմը, սովորաբար նախքան ռազմական սադրանքներ իրականացնելը, ապատեղեկատվության զանգվածային արշավ է իրականացնում»․ Ադրբեջանի ԱԳՆ
Ադրբեջանի արտաքին գործերի նախարարության խոսնակ Այխան Հաջիզադեն ասել է, որ տարածաշրջանում խաղաղություն հաստատելու համար Հայաստանի ղեկավարությունը պետք է հրաժարվի ագրեսիվ հռետորաբանությունից, դադարեցնի ագրեսիվ գործողությունները, ինչպիսիք են տարածքային ամբողջականության ոտնձգությունը և միջամտությունը Ադրբեջանի ներքին գործերին։ Տեղեկատվությունը փոխանցում են ադրբեջանական լրատվականները։
«Ե՛վ օկուպացիայի, և՛ 2020 թվականի պատերազմին հաջորդող ժամանակաշրջանում պրակտիկան ցույց է տվել, որ հայկական կողմը սովորաբար, նախքան ռազմական սադրանքներ իրականացնելը, ապատեղեկատվության համանման զանգվածային արշավ է իրականացնում՝ պատասխանատվությունը ադրբեջանական կողմի վրա բարդելու համար»,- ասել են ագրեսոր երկրից։
Ադրբեջանական կողմից հնչող այս անհիմն մեղադրանքների առնչությամբ նշենք, որ հնչած պրակտիկան հատուկ է հենց ադրբեջանական կողմին։
