ՏԵՍԱՆՅՈՒԹ. Ծանրամարտի Եվրոպայի առաջնության մեկնարկի հետհաշվարկը սկսված է
Ծանրամարտի Եվրոպայի առաջնության մեկնարկի հետհաշվարկը սկսված է. մնաց 30 օր: ՀՀ վարչապետի աշխատակազմի ղեկավար Արայիկ Հարությունյան ու ԿԳՄՍ նախարարի տեղակալ Կարեն Գիլոյանը ներկա են եղել արարողությանը:
Ծանրամարտի Եվրոպայի առաջնությունը կկայանա Երևանի Կարեն Դեմիրճյանի անվան մարզահամերգային համալիրում ապրիլի 15-23-ը:
Առաջնությանը կմասնակցեն մոտ 40 երկրի 500-ից ավել մարզիկներ: Լրագրողի այն հարցին ` ադրբեջանը մասկանցելո՞ւ է մրցաշարին Կարեն Գիլոյանը պատասխանել է, որ 6 մարզիկի մասնակցության հայտ կա: Զուգահեռ ադրբեջանական լրատվամիջոցներն էլ հայտնում են, որ ադրբեջանցի մարզիկները ցանկանում են գալ Հայաստան:
Փոքրիկ զավեշտալի դեպք են ֆիքսել տեսխցիկները. Հյուսիսային պողոտայում շնիկին այդքան էլ դուր չի եկել ծանրամարտի առաջնության խորհրդանշանը։ Ոստիկանները ստիպված են եղել հեռացնել շանը տարածքից։ Այս մասին հայտնում էլ Sputnik Արմենիան:
