Քադիրովը գումարային պարգև է խոստացել Ղուրանն այրած ուկրաինացի զինվորին գերի վերցնելու համար
Չեչնիայի ղեկավար Ռամզան Քադիրովը հայտարարել է, որ 5 միլիոն ռուբլով կպարգևատրի Ղուրանը ծաղրած ուկրաինացի զինվորի «ոչնչացման» համար և10 միլիոն՝ նրան կենդանի վերցնելու համար։ Այս մասին Քադիրովը գրել է թելեգրամյան իր ալիքում։
Ավելի վաղ նա տեսանյութ էր հրապարակել, որում երևում է, թե ինչպես են ուկրաինացի զինվորականները ծաղրում Ղուրանը, ինչից հետո խոստացել է գտնել նրանց ու պատժել։
«Ես չեմ սահմանափակվի ուկրաինական չար ոգիների արարքի չոր դատապարտմամբ, որոնք վերջերս այրեցին Սուրբ Ղուրանի էջերը: Դուք տեսաք կադրերը իմ ալիքում: Այս տականքին վերացնելու համար ես հայտարարում եմ 5 միլիոն ռուբլի պարգև: Կենդանի վերցնելու համար՝ կրկնակի ավելի՝ 10 միլիոն ռուբլի, երբ էլ որ պատահի՝ այսօր, վաղը, մեկ տարի հետո փողը սպասելու է»,- գրել է նա։
