ՏԵՍԱՆՅՈՒԹ. Վրաստանի խորհրդարանի շենքի մոտ այրել են Եվրամիության դրոշը
Թբիլիսիի Ռուսթավելի պողոտայում բողոքի ակցիայի մասնակիցները խորհրդարանի շենքի մոտ հանել են Եվրամիության դրոշը, տրորել այն, ապա այրել:
«Վրաստանում պետք է կախված լինի միայն մեկ դրոշ, և դա վրացական դրոշն է, այլ ոչ թե այս լաթը»,-հայտարարել են ակցիայի կազմակերպիչները:
Եվրամիության դրոշը պոկելուց և այրելուց, ապա դրա փոխարեն վրացական դրոշը կախելուց հետո բեմ է բարձրացել մի հոգևորական և ակցիայի մասնակիցները սկսել են աղոթել:
«Պետք է ասել ոչ թե «Փառք Ուկրաինային», այլ «Փառք Աստծուն», «Փառք Վրաստանին»»,-ասել է Մորգոշիան։
Ավելի վաղ ակցիայի մասնակիցները երթ էին իրականացրել` վանկարկելով «Վրաստան», «Կեցցե Վրաստանը», «Վրաստանն ամենից առաջ», «Վախկոտներ, դուրս եկեք»։
Ցուցարարներն ավելի վաղ երեք պահանջ էին ներկայացրել վրացական իշխանություններին․ ազատ արձակել դատապարտված ԼԳԲՏ-ների հակառակորդներին, որոնք ձերբակալվել, այնուհետև դատապարտվել 2021 թվականի հուլիսի 5-ի ակցիայից հետո, պատժել նրանց, ովքեր փորձում էին պետական հեղաշրջում կազմակերպել և «Մոլոտովի կոկտեյլներ» էին նետում մարտի 7-9-ին օտարերկրյա գործակալների մասին օրենքի դեմ բողոքի ակցիաների ժամանակ, հանրաքվե անցկացնել օտարերկրյա գործակալների մասին օրենքի ընդունման հարցի շուրջ, որի պատճառով Թբիլիսիում մի քանի օր առաջ անկարգություններ էին տեղի ունեցել։
Հավելենք, որ նրանք իշխանություններին կոչ են արել հրաժարվել երկրի վրա օտարերկրյա ազդեցությունից և հույսը դնել Վրաստանի ժողովրդի վրա։
