Ինձ դառնացնում է, որ էդ լրջության մարդը ղեկավարել է Հայաստանը. Փաշինյանը` Սերժ Սարգսյանի մասին
Անդրադառնալով ՀՀ երրորդ նախագահ Սերժ Սարգսյանի հայտարարությանը, ըստ որի՝ 2018-ից ի վեր ՀՀ-ն ռազմատեխնիկական օգնություն չի ստացել և 44-օրյա պատերազմի ժամանակ զինամթերքի միայն 50 տոկոսն է ներգրավված եղել ռազմական գործողություններին, Փաշինյանն ասել է.
«Ինձ դառնացնում է, որ այդ լրջության մարդը ղեկավարել է Հայաստանը: Ո՞նց կարելի է այդքան անլուրջ լինել: Հազարավոր կամավորներ են մասնակցել պատերազմին, որևէ մեկն ասե՞լ է, որ զենքի պակաս են ունեցել: Կատարյալ սուտ է, որ 2018-ից ՀՀ-ն ռազմատեխնիկական օգնություն չի ստացել, օգնություն ասելով ի՞նչ նկատի ունեն, կարո՞ղ է նկատի ունեն ձրի զենք, եթե ձրի զենք, չասեմ՝ ձրի զենքն ինչ է», - նշեց նա:
