Հորմուզի նեղուցով նավագնացությունը վերսկսվել է․ Թրամփ

ԱՄՆ նախագահ Դոնալդ Թրամփը հայտարարել է Հորմուզի նեղուցով նավագնացության վերսկսման մասին։

«Նավերը սկսում են շարժվել Հորմուզի նեղուցից։ Նավերից շատերը լի են նավթով։ Նրանք շարժվում են Հարավային «մայրուղով», որը լիովին անվտանգ է, ապահով։ Տեղաշարժման այլ տարածքներ ևս կան»,- այս մասին Թրամփը գրել է Truth Social հարթակում։

Ավելի վաղ Իրանը հրապարակել էր ԱՄՆ-ի հետ հակամարտության կարգավորման հուշագիր, որի կետերից մեկը վերաբերում էր Հորմուզի նեղուցի բացմանն ու նավթի վաճառքի հետ կապված պատժամիջոցների վերացմանը։

Ավելի ուշ ԱՄՆ նախագահ Դոնալդ Թրամփը հայտարարել էր Իրանի հետ խաղաղության գործարքն ավարտին հասցնելու մասին։