Ստորագրե՞լ են հուշագիր. ԱՄՆ-Իրան գործընթացի նոր մանրամասները

«Reuters» գործակալությունը, հղում անելով ամերիկացի բարձրաստիճան պաշտոնյայի, հայտնել է, որ Թրամփը, Վենսը և Ղալիբաֆը ստորագրել են ԱՄՆ-ի և Իրանի միջև հուշագիր։

Ըստ ամենայնի, խոսքը փաստաթղթի էլեկտրոնային ստորագրման մասին է։ Ավելի վաղ պաշտոնապես հայտարարվել էր, որ փաստաթղթի ստորագրումը տեղի կունենա հունիսի 19-ին։

ԱՄՆ փոխնախագահ Վենսը հայտարարել էր, որ Իրանի հետ գործարքը ստորագրվել է կիրակի օրը՝ էլեկտրոնային եղանակով, սակայն չէր հստակեցրել՝ կոնկրետ ում կողմից։

«Թրամփն ու Վենսը էլեկտրոնային ձևով ստորագրել են Իրանի հետ փոխըմբռնման հուշագիրը։ Իրանի կողմից այն ստորագրել է Ղալիբաֆը», – իր հերթին գրել է Axios-ի լրագրող Բարակ Ռավիդը X սոցիալական ցանցում։