ԱՄՆ նախագահը Իրանից հետո հայտարարել է նոր փուլ մտնելու մասին

ԱՄՆ նախագահ Դոնալդ Թրամփը հայտարարել է, որ Իրանի հետ հակամարտության կարգավորումից հետո ԱՄՆ-ը կկենտրոնանա Ուկրաինայի վրա։

«Բոլոր կողմերը ստորագրել են համաձայնագրերը, և նեղուցը, ինչպես գիտեք, արդեն մասամբ բաց է։ Ուրբաթ օրը նեղուցն ամբողջությամբ բաց կլինի։ Այժմ մենք շատ լավ հարաբերություններ ունենք Իրանի հետ։ Սա բոլորովին այլ իրավիճակ է։

Նաև երեկ մենք շատ լավ զրույց ունեցանք նախագահ Զելենսկու և նախագահ Պուտինի հետ։ Եվ ես տեսնում եմ, որ գուցե կարողանանք ինչ-որ առաջընթաց գրանցել այդ ուղղությամբ։ Իրապես այդպես եմ կարծում։ Ինձ թվում է՝ երկուսն էլ բաց են դրա համար։ Հետևաբար, այժմ, երբ սա (Իրանի հետ պատերազմը) ավարտված է, մենք կկենտրոնանանք այդ հարցի վրա և կտեսնենք՝ կկարողանա՞նք անել այն, ինչ մինչ այժմ չի հաջողվել անել»,- ասել է Թրամփը։