ԱՄՆ-ում կործանվել է միջուկային զենք կրելու ունակ ռմբակոծիչը

ԱՄՆ ռազմաօդային ուժերի B-52 Stratofortress ռազմավարական ռմբակոծիչը կործանվել է Կալիֆոռնիայում՝ Էդվարդս ավիաբազայից օդ բարձրանալուց կարճ ժամանակ անց։

Դեպքի մասին հունիսի 15-ին հայտնել է հենց ավիաբազան։

«ԱՄՆ ՌՕՈւ-ի B-52 Stratofortress-ը կործանվել է Էդվարդս ավիաբազայում՝ թռիչքից անմիջապես հետո: Արտակարգ ծառայությունների անձնակազմերն անմիջապես ժամանել են դեպքի վայր»,- նշվում է ավիաբազայի X սոցիալական ցանցի էջում։

Վթարի պատճառների և անձնակազմի վիճակի մասին տեղեկություններ չեն հաղորդվում։

B-52H Stratofortress-ը ամերիկյան բազմաֆունկցիոնալ ռազմավարական ռմբակոծիչ է, որը կարող է բարձրանալ մինչև 15 հազար մետր և կրել միջուկային սպառազինություն։