Բաքվից Հայաստան է ուղարկվել 490 տոննա ռուսական ցորեն

Ադրբեջանից Հայաստան երկաթուղով ուղարկվել է ռուսական ցորենի հերթական խմբաքանակը՝ շուրջ 490 տոննա ընդհանուր քաշով։ Այս մասին ՌԻԱ Նովոստիին հայտնել են «Ադրբեջանի երկաթուղիներ» ՓԲԸ-ից։

«Բիլաջարի կայարանից (Բաքու) ուղարկվել է ցորենով բեռնված 7 վագոն (490 տոննա)»,- հայտնել են «Ադրբեջանի երկաթուղիներ» ընկերությունից։

Նշենք՝ Ադրբեջանի տարածքով Ռուսաստանից Հայաստան արդեն մատակարարվել է մոտ 35 հազար տոննա հացահատիկ, ավելի քան 6 հազար տոննա պարարտանյութ, 133 տոննա ալյումին և 68 տոննա հնդկաձավար։