ՏԵՍԱՆՅՈՒԹ. Փլուզում Մոսկվայի շինհրապարակներից մեկում. կա զոհ
Մոսկվայում՝ Լոբաչևսկու փողոցում մարտի 4-ի առավոտյան փլուզվել են փայտամածներ և մետաղական կառույցներ, ինչի հետևանքով մեկ մարդ մահացել է։ Այս մասին հայտնում է Մոսկվայի դատախազության Telegram ալիքը։
«Նախնական տվյալներով՝ արդյունքում մեկ մարդ մահացել է, ևս երկուսը հոսպիտալացվել են։ Փլուզված կառույցն այժմ ապամոնտաժվում է»,- հայտնել են նախարարությունից։
Այս պահին դեպքի վայրում աշխատում են փրկարարները, փլատակների մաքրման աշխատանքներ են իրականացվում։
Մոսկվայի Արտակարգ իրավիճակների նախարարությունը հավելել է, որ 300 քմ մակերեսով առաստաղի և փայտամածի փլուզում է տեղի ունեցել։
Մոսկվայի արեւմուտքում տեղի ունեցած միջադեպի պատճառն անհայտ է, կատարվում է հետաքննություն։
Լրատվակաների հաղորդմամաբ՝ փլատակների տակ կարող է լինել եևս 3 մարդ, նրանց ճակատագիրը ճշտվում է։
