Ուկրաինացիները ռազմական գործողություններին են ներգրավում նաև վարձկանների և ահաբեկիչների. Լավրով
Մեծ քսանյակի երկրների ԱԳ նախարարների հանդիպման ժամանակ ՌԴ ԱԳ նախարար Սերգեյ Լավրովը հայտարարել է
Արևմուտքի կողմից Ուկրաինային մատակարարվող զենքը հայտնվում է աշխարհի այլ հակամարտությունների գոտիներում, թեժ կետերում:
«Արձանագրվել են նաև փաստեր, որ Ուկրաինային Արևմուտքի մատակարարած զենքի «արտահոսք» է տեղի ունեցել աշխարհի այլ թեժ կետեր»,- մասնավորապես, ասել է ՌԴ ԱԳ նախարարը։
Սերգեյ Լավրովն Արևմուտքին մեղադրել է 2014 թվականից սկսած՝ «Ուկրաինայում ծայրահեղականության նոր օջախ» ձևավորելու մեջ և հավելել, որ Արևմուտքից զենքի մեծածավալ մատակարարումներին զուգահեռ՝ ուկրաինացիները ռազմական գործողություններին են ներգրավում նաև վարձկանների և ահաբեկիչների։
