ՏԵՍԱՆՅՈՒԹ․ Կուրիլյան Էբեկո հրաբուխը մոխիր է արտանետում․ ժայթքման հավանականությունը մեծ է

Կուրիլյան Էբեկո հրաբխում մոխրի արտանետում է գրանցվել մինչև 3 կմ բարձրությամբ, հաղորդում է Ռուսաստանի Գիտությունների ակադեմիայի Հեռավորարևելյան բաժանմունքի Հրաբխագիտության և սեյսմոլոգիայի ինստիտուտի հրաբխային ժայթքումների արձագանքման Կամչատկայի խումբը: Ըստ մասնագետների՝ ժայթքման հավանականությունը մեծ է։

Հրաբխի հետքը տարածվել է արևելյան ուղղությամբ, մինչև 5 կմ հեռու: Մասնագետների կարծիքով հրաբուխը մեծ ակտիվություն է ցուցաբերում՝ ժայթքման մեծ հավանականությամբ:

1156 մետր բարձրությամբ Էբեկո հրաբուխը գտնվում է Պարամուշիր կղզում՝ Սևերո-Կուրիլսկից յոթ կիլոմետր դեպի հյուսիս-արևմուտք, Վերնադսկիի լեռնաշղթայի հյուսիսային մասում։ Այնտեղ կանոնավոր արտանետումները (մեղմից մինչև չափավոր) շարունակվում են 2016 թվականի հոկտեմբերի 20-ից, ինչը հրաբխի համար նորմալ գործունեություն է։

Ռեկորդային արտանետումը գրանցվել է 2018 թվականի օգոստոսի 31-ին։ Այն ժամանակ հրաբխի նոր խառնարանից, որը գոյացել է 2017 թվականին, ծխի սյունը ժայթքել է 6 կմ բարձրությամբ։