Նոր մեգաերկրաշարժ է լինելու. հոլանդացի գիտնականն ասել է, թե որ տարածքներում

Հոլանդացի սեյսմոլոգ Ֆրենկ Հուգերբիթսը, որը կանխատեսել էր ավերիչ երկրաշարժերը Թուրքիայում և Սիրիայում, երեկ իր թվիթերյան հաշվում գրառում է արել` տեղեկացնելով, որ մարտին Երկրի վրա նոր մեգաերկրաշարժ է տեղի ունենալու։

Solar System Geometry Survey (SSGEOS) գիտական ինստիտուտի զեկույցում ասվում է, որ մարտի 2-ին և 5-ին մոլորակների մոտենալը կարող է հանգեցնել շատ մեծ սեյսմիկ ակտիվության։ Երկրաշարժերի շարք կարող են տեղի ունենալ 2023 թվականի մարտի 3-ից մինչև մարտի 7-ը։ 

Ցնցումների ուժգնությունը կարող է լինել 8,5 և ավելի բալ։

«Չեմ չափազանցում, չեմ փորձում վախ տարածել, սա ընդամենը նախազգուշացում է»,- ասել է գիտնականը։

Ինստիտուտը նաև անվանել է այն շրջանները, որոնք ընկել են այսպես կոչված կարմիր գոտում՝ Ճապոնիայի հարավը, Ինդոնեզիան, Պակիստանը, Հունաստանը, Պորտուգալիան և Հյուսիսային Ամերիկայի մի մասը։ Այս ցուցակում է նաև Ռուսաստանը։ Ֆրենկ Հյուգերբիթսը կարծում է, որ Կուրիլյան կղզիներում կարող է տեղի ունենալ ավերիչ երկրաշարժ։  Այս մասին գրում է rg.ru-ն։ 

Ավելի վաղ տեղեկացրել էինք, որ Թուրքիայում երկրաշարժերի զոհերի թիվը 45 089-ի։