Ֆինլանդիայի խորհրդարանը հավանություն է տվել ՆԱՏՕ-ին անդամակցելու նախագծին
Ֆինլանդիայի խորհրդարանը հավանություն է տվել ՆԱՏՕ-ին անդամակցելու մասին օրենքի նախագծին։ Կողմ է քվեարկել 184 պատգամավոր, դեմ՝ 7։ Հայտնում են ֆիննական լրատվամիջոցները։
Օրինագծի վերջնական վավերացման համար այն պետք է հաստատի նախագահ Սաուլի Նիինիստյոն։
Անցած մայիսին Շվեդիան և Ֆինլանդիան պաշտոնապես հայտարարեցին ՆԱՏՕ-ին անդամակցելու հայտ ներկայացնելու մասին։ Նախկին չեզոքության քաղաքականությունից հրաժարվելու որոշումը դրդել է Ռուսաստանի ներխուժումն Ուկրաինա։
