Ինչպես արդեն հայտնել ենք,  Ռուսաստանի Բրյանսկի մարզում «բախումներ են ընթանում ուկրաինացի դիվերսանտների հետ»՝ հայտնում է ՏԱՍՍ-ը՝ հղում անելով իրավապահ մարմիններին։

Ըստ ստացվող տեղեկությունների՝ մոտ 10։00-ին դիվերսանտները մտել են Բրյանսկի շրջանի տարածք, բաժանվել երկու խմբի ու գնացել Սուշանի և Լյուբեչան գյուղերի ուղղությամբ, որտեղ պատանդ են վերցրել տեղի բնակիչներին։ Այս մասին հաղորդում է WarGonzo-ն: Նշվում է, որ նախնական տվյալներով սահմանը հատել են 10-20 զինվորական։ Թելեգրամյան այլ աղբյուրներ խոսում են մինչև 50 զինվորականի մասին:

Հաղորդվում է նաև, որ  Բրյանսկի շրջանի տարածքում պայթեցվել են գազի և էլեկտրակայանները։ Դիվերսանտները կրակ են բացել դպրոցականների տեղափոխող մեքենայի ուղղությամբ, մահացել է 2 մարդ, որոնցից մեկը` դպրոցականներին տեղափոխող մեքենայի վարորդն է եղել: 10 տարեկան երեխան թիկունքից հրազենային վիրավորումով հոսպիտալացվել է:
 

Պատանդների ստույգ թիվը այս պահին հայտնի չէ: Որոշ աղբյուրներ, սկայն, հաղորդում են մինչև 6 պատանդի մասին: Գյուղացիներից ոմանք կարողացել են փախչել, իսկ մյուսները փակվել են իրենց տներում։

Այս պահին այն վայրերը, որտեղ գործում են ուկրաինացի ահաբեկիչները, շրջափակված են ուժայինների կողմից, պայքար է ընթանում պատանդների ազատ արձակման համար։