Պուտինն օտարերկրացիների համար պայմանագրային ծառայության նվազագույն ժամկետը կրճատել է մինչև մեկ տարի
ՌԴ նախագահ Վլադիմիր Պուտինը հրամանագիր է ստորագրել, ըստ որի՝ օտարերկրացիների հետ զինվորական ծառայության առաջին պայմանագիրը նախատեսված է մեկ տարով՝ նախկին հինգ տարվա փոխարեն։ Փաստաթուղթը հրապարակված է իրավական տեղեկատվության պորտալում։
Հրամանագրի երկրորդ պարբերության բովանդակությունը չի բացահայտվում, այն նշված է «ծառայողական օգտագործման համար»։
Նախկինում օտարերկրյա քաղաքացիների հետ կնքվել է զինծառայության պայմանագիր՝ հինգ տարով։
Քաղաքագետ Ալեքսանդր Նեմցևը «Վեդոմոստի»-ի հետ զրույցում նշել է, որ օտարերկրացիների հետ առաջին պայմանագրի կրճատումը մինչև մեկ տարի «կատարվում է Ռուսաստանին մոտ երկրների մասնագետների համար»՝ կապված Ուկրաինայում ռազմական գործողության հետ։
Նեմցևի խոսքով՝ դրանք, մասնավորապես, «կարող են լինել սիրիացի հակաօդային սարքերի մասնագետներ, հրթիռային զենքի մասնագետներ ԿԺԴՀ-ից, ինչպես նաև բարձր մակարդակի մասնագետներ Չինաստանից և Իրանից»։
2022 թվականի նոյեմբերին Պուտինը հրամանագիր է ստորագրել, որը թույլ է տալիս օտարերկրացիներին և օտարերկրյա քաղաքացիություն ունեցող ռուսներին զինվորական ծառայություն անցնել։
Սեպտեմբերին Պետդուման ընդունեց փոփոխություններ, որոնք թույլ են տալիս առնվազն մեկ տարով զինվորական ծառայության պայմանագիր կնքած օտարերկրացիներին պարզեցված ձևով ստանալ Ռուսաստանի քաղաքացիություն: Նախկինում օտարերկրացիները պայմանագրով պետք է ծառայեին առնվազն երեք տարի։
Աշնանը ՌԴ Մարդու իրավունքների նախագահական խորհրդի անդամ Կիրիլ Կաբանովը տեղեկացրել է Ղազախստանի, Ղրղզստանի, Տաջիկստանի և Ուզբեկստանի բնիկներին, ովքեր 10 տարի առաջ ռուսական անձնագիր են ստացել, քաղաքացիությունից զրկելու սպառնալիքով պարտադիր զինվորական ծառայության մասին օրենքի նախապատրաստման մասին։
Միգրանտների ֆեդերացիայի նախագահ Վադիմ Կոժենովը քիչ հավանական է համարել նման օրենքի ընդունումը, քանի որ ՌԴ քաղաքացիությունից ստանալու և զրկելու մասին հրամանագիրը կատարվում է բացառապես նախագահի հրամանագրով։
