Սոցցանցերում տարածված տեղեկատվությունը Ղազախստանից Ուկրաինա ռազմական տեխնիկա տեղափոխելու մասին չի համապատասխանում իրականությանը, հայտնել է Ղազախստանի պաշտպանության նախարարությունը Telegram-ի իր ալիքում։
 

Գերատեսչությունում ընդգծել են, որ Ղազախստանի ռազմական տեխնիկան Ուկրաինա տեղափոխելու համար թողարկված տեսանյութն իրականում արխիվային է. այն նկարահանվել է զրահամեքենաները պլանային վերանորոգման ուղարկելիս։ 

«Ներկայումս այն գտնվում է պահեստում»,- վստահեցրել են Հանրապետության պաշտպանության վարչությունից։
 

Բացի այդ, Ղազախստանի պաշտպանության նախարարությունը հիշեցրել է, որ 2022 թվականի օգոստոսի 27-ից երկրի իշխանություններն արգելել են պետությունից ցանկացած զենքի և ռազմական տեխնիկայի արտահանումը։
 

Նախարարությունը նմանատիպ հերքում էր հրապարակել 2022 թվականի սեպտեմբերին, երբ սոցիալական ցանցերում շրջանառվել էր զենքի տեղափոխման նույն տեսանյութը։ Այնուհետև սոցցանցերի օգտատերերը տեսանյութը վերահրապարակելիս պնդում էին, որ երկու երկրների նախագահներ Կասիմ-Ժոմարտ Տոկաևի և Վլադիմիր Պուտինի համաձայնությամբ ռազմական տեխնիկա է փոխադրվում Ռուսաստան։