ՏԵՍԱՆՅՈՒԹ. Իրանում մոլլան հարվածել է աղջկան` գլխաշորը սխալ կապելու համար
Մոլլան (մահմեդական կրոնավոր) հարվածել է աղջկան` գլխաշորը սխալ կապելու համար: Այս մասին հայտնում է Ateo Breaking` հղում անելով իրանական լրատվամիջոցներին:
Տեսանյութում երևում է` կանայք հանգստացնում են աղջկան, որն անդադար լաց է լինում: Դեպքի մասին այլ մանրամասներ հայտնի չեն:
Հիշեցնենք, որ Իրանի հյուսիս-արևմտյան Քրդստան նահանգի բնակիչ 22-ամյա Մահսա Ամինին ձերբակալվել էր գլխաշորը ոչ պատշաճ կրելու համար: Վերջինս մահացել էր կալանավայրում: Դեպքից հետո բողոքի ցույցեր էին սկսվել, իսկ որոշ քաղաքներում ցույցերն ուղեկցվել էին բախումներով, իրավապահները նաև հրազեն էին կիրառել։
Մոլլան տեղական իսլամական առաջնորդ է: Ժամանակին մոլլաները ոչ միայն իրականացրել են հոգևոր սպասարկուի դերը, այլ նաև դասավանդել կրոնական դպրոցներում, կատարել նոտարի գործառույթներ:
