Twitter-ը թույլ կտա գովազդել մարիխուանա
Twitter սոցիալական ցանցի ադմինիստրացիան, որը պատկանում է ամերիկացի ձեռնարկատեր Իլոն Մասկին, փոփոխություններ է կատարել իր քաղաքականության մեջ, որը թույլ է տալիս ամերիկյան ընկերություններին գովազդ տեղադրել թմրանյութերի, մասնավորապես կանեփի (մարիխուանա) մասին։ Այս մասին հայտնում է Politico-ն։
Ընկերության պաշտոնական կայքում` բիզնեսի և համագործակցության բաժնում, ասվում է նաև, որ «կանեփի գովազդատուները կարող են թիրախավորել Կանադան» և Միացյալ Նահանգները, երբ գովազդում են իրենց սեփական, մի շարք սահմանափակումների ենթակա արտադրանքը: Դրանք վերաբերում են «համապատասխան մարմինների կողմից արտոնագրվելու» անհրաժեշտությանը, գովազդ տրամադրելուն միայն այն երկրներին և տարածաշրջաններին, որտեղ նման գովազդատուները թույլտվություն ունեն գովազդելու իրենց ծառայություններն ու ապրանքները ինտերնետում: Արգելվում է նաև այդ առաջարկները տարածել սոցիալական ցանցի անչափահաս օգտատերերի շրջանում։
Ըստ Politico-ի՝ նման արշավը կգործի մինչև մարտի վերջ։
Ավելի վաղ Արևմտյան Ավստրալիայի համալսարանի գիտնականները պարզել էին, որ մարիխուանայի օրինականացումը ԱՄՆ-ում հանգեցրել է ամորձիների քաղցկեղի դեպքերի աճին:
