Տնտեսություն

ԵՄ-ը չի կարողացել համաձայնեցնել ՌԴ-ի դեմ պատժամիջոցների 10-րդ փաթեթը

17.02.2023 08:37

Եվրամիությունը չի կարողացել համաձայնեցնել պատժամիջոցների 10-րդ փաթեթը ռուսական միջուկային վառելիքի և ադամանդի տարեկան գրեթե 2 միլիարդ եվրոյի չափով արտահանման շուրջ։ Դրանք ենթադրաբար պետք է սահմանվեին մինչեւ փետրվարի 24-ը, հայտնում է ՏԱՍՍ-ը՝ վկայակոչելով երկրներից մեկի դիվանագիտական գերատեսչության աղբյուրին։

«Եվրահանձնաժողովի կողմից հնչեցված վերջնական առաջարկներում որևէ խոսք չկա Ռուսաստանից ԵՄ երկրներ ադամանդի և միջուկային վառելիքի արտահանման սահմանափակումների, ինչպես նաև միջուկային ոլորտում համագործակցության այլ տեսակների մասին։ Սրանք պատժամիջոցների միակ առաջարկ էին այս փաթեթում ռուսական արտահանման դեմ, որը Մոսկվային տալիս է իրական եկամուտ, որի ծավալը գնահատվում է գրեթե 2 միլիարդ եվրո»,- նշվում է հաղորդագրության մեջ։

Հստակեցվում է, որ շտապողականության պատճառով ԵՄ-ն բավարար ժամանակ չի ունեցել համաձայնեցնելու այս նախագիծը, որը նախատեսվում էր ընդունել մինչև Ուկրաինայում հատուկ ռազմական գործողության մեկնարկի տարեդարձը։

Ավելի վաղ Հունգարիայի արտաքին գործերի նախարար Պետեր Սիյարտոն ասել էր, որ Բուդապեշտը կանի հնարավոր ամեն ինչ, որ Ռուսաստանի դեմ ԵՄ պատժամիջոցների նոր փաթեթը չներառի նավթի մատակարարումների սահմանափակումներ և միջուկային ոլորտում Մոսկվայի հետ համագործակցություն։