18+ ՏԵՍԱՆՅՈՒԹ. Սերբ պատգամավորին բռնացրել են նիստի ժամանակ մեծահասակների համար նախատեսված կադրեր դիտելիս
Սերբիայի Սոցիալիստական կուսակցության պատգամավոր Զվոնիմիր Ստևիչը հրաժարական է տվել այն բանից հետո, երբ նրան բռնացրել են Կոսովոյի իրավիճակի շուրջ հանրապետության նախագահի մասնակցությամբ բանավեճի ժամանակ պոռնոգրաֆիկ տեսանյութեր դիտելիս։ Սերբիայի խորհրդարանում տեղի ունեցած միջադեպի մասին հայտնել է Politico.eu-ն։
Սերբիայի խորհրդարանում տեղի ունեցած միջադեպի մասին հայտնի է դարձել փետրվարի 7-ին։ Սերբական մի շարք լրատվամիջոցներ տեսանյութ են հրապարակել նախորդ օրը տեղի ունեցած խորհրդարանական հանդիպումից։ Այնտեղ երևում է, թե ինչպես է սոցիալիստ պատգամավոր Զվոնիմիր Ստևիչը հանրապետության նախագահ Ալեքսանդր Վուչիչի ելույթի ժամանակ հետաքրքրությամբ նայում պոռնոգրաֆիկ նյութերով կայքի էջին։ Ստևիչը շեղվել էր հանդիպումից՝ դիտելով մեծահասակների համար նախատեսված բովանդակությունը մեկ րոպեից մի փոքր ավելի, բայց դա բավարար էր Սերբիայի արտաքին գործերի նախարար Իվիցա Դաչիչի զայրույթն առաջացնելու համար:
