Շվեյցարիան արգելափակել է 8 միլիարդ դոլար արժողությամբ ռուսական ակտիվներ
Շվեյցարիայի կառավարությունը պատժամիջոցների ներքո արգելափակել է 8,1 միլիարդ դոլարի ռուսական ակտիվ: Այս մասին գրում է РИА Новости-ն` հղում տալով Շվեյցարիայի տնտեսական հարցերով պետական քարտուղարության (SECO) ներկայացուցիչ Անտյե Բերչիին:
Նշվում է, որ շվեյցարական Credit Suisse (CS) խոշորագույն բանկերից մեկը կարող է արգելափակել ռուսական այլ ակտիվներ, որոնց նկատմամբ պատժամիջոցներ են կիրառվել այլ պետությունների կողմից:
Ավելի վաղ տեղական SonntagsZeitung թերթը գրել էր, որ Credit Suisse-ը արգելափակել կամ սառեցրել է Շվեյցարիայում գրանցված ռուսական ակտիվների ավելի քան մեկ երրորդը՝ 17,6 մլրդ ֆրանկ (ավելի քան 19 մլրդ դոլար):
