Փրկարար ջոկատները Թուրքիայից սկսել են վերադառնալ իրենց երկրներ․ զրոյանում են փլատակներից կենդանի մարդ դուրս բերելու հույսերը

Երկրաշարժից տուժած Թուրքիային օգնող երկրների փրկարար ջոկատները սկսել են վերադառնալ իրենց երկրներ, քանի որ գնալով զրոյանում են փլատակներից կենդանի մարդ դուրս բերելու և փրկելու հույսերը։ Այս մասին գրում է ermenihaber-ը։

Օրինակ՝ իսպանացիների որոնողափրկարարական խումբը, փրկելով տասնյակ մարդկանց կյանքեր, ավարտել է իր աշխատանքները և վերադարձել Իսպանիա։ Իսրայելի փրկարարների մի մասն արդեն վերադարձել է Երուսաղեմ։ Հունական որոնողափրկարարական խմբերը ևս ավարտել են իրենց առաքելությունը և վերադարձել Հունաստան։ Բայց Հունաստանը կշարունակի մարդասիրական օգնություն ցուցաբերել Թուրքիային։

Իսկ ահա Ավստրայի ու Գերմանիայի փրկարարական ջոկատները  որոշակի դադարից հետո որոշում են կայացրել վերսկսել որոնողափրկարարական աշխատանքները։