ՏԵՍԱՆՅՈՒԹ․ Երուսաղեմում վարորդը մխրճվել է մարդկանցով լի կանգառ. ոստիկանները վարորդին տղում սպանել են

Երուսաղեմում մեքենան բախվել է ավտոբուսի կանգառին: Կա երկու զոհ` 6-ամյա երեխա և 20-ամյա երիտասարդ, ևս վեց մարդ վիրավորվել է։ 

Իսրայելի իշխանությունները սա համարում են ահաբեկչություն, վարորդը սպանվել է ոստիկանների կողմից։ Այս մասին հայտնում է Jerusalem Post-ը։ 

Միջադեպը տեղի է ունեցել Գոլդա Մեիր պողոտայի և Բենիամին Մինց պողոտայի անկյունում՝ Ռամոտ շրջանում (Արևելյան Երուսաղեմ): 

Ականատեսների վկայությամբ Հոսեյն Կարակա անունով 31-ամյա վարորդը մեքենայով մխրճվել է կանգառ, որտեղ մի խումբ մարդիկ են եղել: 

Հաղորդվում է, որ 6 վիրավորներից երկուսի վիճակը ծանր է։ «Ահաբեկիչը վնասազերծվել և տեղում սպանվել է։ Եվս մեկ անգամ գործ ունենք ահաբեկչության հետ», - լրատվականներին ասել է իսրայելական շտապօգնության ծառայության աշխատակիցը: 

Հիշեցնենք՝ հունվարի 27-ին անհայտ անձը կրակել և սպանել է յոթ մարդու, երբ նրանք դուրս էին գալիս Արևելյան Երուսաղեմի սինագոգից: Երեքը վիրավորվել էին: Այդ ժամանակ ևս հարձակվողը սպանվել էր փախուստի փորձի ժամանակ։ 

Ավելի վաղ էլ 13-ամյա դեռահասն էր կրակ բացել Երուսաղեմի Սիլվան արաբական թաղամասում։ Երկուսը վիրավորվել էին, կրակողը վնասազերծվել էր ոստիկանների կողմից։